Twaalf ongelooflike vroue wat 'n verskil maak tussen die bendes, die werkloosheid en die koeëls. Atlantis is steeds die verlore stad, maar hierdie twaalf vroue se verhale inspireer. Die verhale strek van gemeenskapdiens aan gestremde persone, bejaardes en kankerlyers, rehabilitasie van dwelmafhanklikes, MIV/vigs-voorkoming en -destigmatisering, tot inspirerende vroue wat staan in die onderwys, verpleegdiens, uitsaaiwese, asook 'n sangeres, 'n atleet en 'n tuinier.